Tula No.# 00

Gusto kong magsalita nang aking sasabihin.

Nang mga katagang malinaw sa aking kokote.

Nang mga salitang  ginagaya nang aking mga labi,

Sinasambit nang aking dila,

Pinagsisigawan nang aking puso.

Gusto kong sumigaw—bumulong nang mahinang-mahina

Na sa sobrang mahina tanging mga insekto at paniki lamang ang makakarinig.

Na sa sobrang hina, tanging ang mga tunay na may malasakit lamang ang

nakakaintindi.

Iyong galing sa puso.

Iyong hindi kayang salingin nang mga bala at  sandata.

Iyong nanunukal sa kaisipan nang sinoman at bumabarena

Tagos hanggang buto.

Iyong nagpapaalab nang digmaan,

sumusugod hanggang sansinukob…

pumapatay nang mga sakit…nagpapagaling nang mga nasa hilahil.

Gusto kong magsalita ngunit hindi ko magawa.

May bumabara  sa aking pagkatao.

Sinasakal ang aking leeg.

Ginagapos nang bakal na tanikala,

Pinipihit nang garote ang aking paghinga at mga katagang mga sasabihin.

Parang atake nang asthma sa kawalan nang paghinga.

Miasma nang mga nabubulok na itlog at alimuong matapos ang ulan.

Sinisilidan sa lalagyan nang bigas.

Pinapako nang martilyo

kinukulong nang parang may sala.

At pinagtatawanan nang mga payaso!

pagod na pagod na ako….sa malulutong na mga bulong na dinig sa buong daigdig.

Sa kamunduhan nang tuliro, sa kamunduhan nang walang magawa sa buhay!

Sigaw na ako nang sigaw sa tinig na parang bulong…

sa lumalagitik na tunog nang nasusunog na tuyong punong kahoy sa higanteng apoy

At ayoko na.

Pagod na pagod na ako…

Pinagpapawisan na ako nang malagkit,

barado na ang aking paghinga, pagtingin at pandinig.

Bulag, pipi at bingi na akong tumitingin

Pinagmamasdan…

at pinakikinggan ang buong mundo.

manhid na manhid na ako…

Ayoko nang magsalita.

tahimik na lamang ako nang parang patay

patay na ako…lantang gulay na tulala

inaabot nang tingin ang puting kisame na butas-butas.

Nakanganga kinakapos nang mga salita. Inaantay ang kamatayan

Sa huling mga hininga.

Pipikit na lamang ako, at matutulog

Advertisements

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s