LanceBahagi na ng aking paghinga ang mga tula.
Nababad na ang aking diwa sa mga samu’t saring kataga
na parang isang bukas na libro, na nanghihimok na aking basahin,
Bawat pahina’y tumatalakay sa bawat tagpo ng buhay.

Sa pagtingin ko sa mga pahina ay tila dinadala ako ng panahon
sa isang dako ng mundo na malaya ang bawat panulat,
na tila lumilipad sa hangin,
malayang nakakarating sa kung saan man.

Sa bawat kalsada na aking nilalakaran,
Nagbabaybay ako ng mga salita,
Na mga tugma, na posible kong magawa mula sa kawalan,

Habang naglalakad ako sa isang daang bali-baliko, lubak-lubak,
ay ginagawan ko sila ng tinig, ginagawan ko sila ng buhay,
ng hininga habang sila ay nakahimlay kakabit ang mga semento,
aspalto, mga poste ng ilaw na nakatirik sa kanila.

Ang tula para sa akin ay isang malayang pook
ng mga pusong ang hangad lamang ay makapag-iwan ng mga tanda,
ng mga tinig na hindi man maisigaw sa hangin, ay tila isang nagbabadyang digmaan
ng mga diwang matagal nang naghahangad na mailahad ang kanilang nararamdaman,
ng mga bibig na matagal nang itinikom sa mahabang panahon.

Hinahayaan ako ng mga tula,
na abutin ang mga tala, na palayain ang aking diwa
na salungatin ko ang ikot ng mundo.

Hinahayaan ako ng mga tula,
Na umukit ng sarili kong pagkakakilanlan,
Ibalik ang ang mga matatamis na alaala,
na binabaon na lang sa limot.

Huwag sanang magsawa ang mga tula
Na ako ay kanilang pakinggan, na akapin ang aking karupukan.

Huwag sanang magsawa ang mga tula,
na ako’y ihatid sa mga tala ng mga tudla,
Huwag sanang magsawa ang mga tula,
sa habambuhay kong paghinga.

—Anthony Lance D. Abellion

Advertisements

One thought on “Paghinga

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s